Një aksident automobilistik është regjistruar në qytetin bregdetar të Vlorës, në hyrje të autostradës Vlorë-Levan, ku një automjet tip Benz me targa AA 730 PH është rrëzuar në një kanal të hapur nga punimet për bypass-in.
Nga hetimet paraprake dyshohet se shkak i aksidentit ka qenë shpejtësia e lartë e mjetit.
Bëhet me dije se në automjet ndodhej vetëm drejtuesi i cili është demtuar lehtë dhe është dërguar në spital për marrjen e ndihmës mjekësore.
Në vendngjarje ndodhet grupi hetimor i cili po kryen veprimet e mëtejshme në lidhje me sqarimin e rrethanave të aksidentit.
