Këshilltari i kryeministrit Edi Rama për Trashëgiminë Kulturore, Artan Sgjreli ka postuar disa foto të punimeve të projektin Lungomare në Vlorë.
“VLORË – SOT – Anadetësja / Lungomare”, shkruan Sgjreli ndërsa në pamje duken qartë punimet të cilat kanë avancuar.
“Lungomare” është projekti për ndërtimin e shëtitores përgjatë bregut të detit nga Skela në Ujë të Ftohtë.
Projekti i Lungomares i hartuar nga Bashkia e Vlorës pritet të përmbushë më së miri dy objektivat kryesore të përcaktuara prej saj, respektimin dhe shfrytëzimin e hapësirës prej 5 kilometrash të shëtitores së Vlorës, si dhe përshtatjen e projektit me elementët specifikë të kësaj shëtitoreje për ta bërë vijën bregdetare të këtij qyteti një prej pikave më tërheqëse të Mesdheut.
