Policia e Vlorës ka arrestuar një shtetas i cili ishte shpallur në kërkim, si një prej autorëve të dyshuar për vjedhjen e Bankës të nivelit të dytë në Korrik të 2016.
Forcat e policisë bëjnë të ditur se është ndaluar Lorenc Gjini, 26 vjeç, banues në Vlorë.
Policia: Seksioni Kundër Krimeve ndaj Pronës, gjatë hetimeve intensive të kryera në lidhje me vjedhjen e Bankës së Nivelit të Dytë ndodhur më datë 11.07.2016, kanë bërë të mundur ndalimin e këtij shtetasi, i cili dyshohet të jetë një nga bashkëpunëtorët e dyshuar në lidhje me kryerjen e kësaj vjedhjeje. Policia ka bërë ndalimin e Lorenc Gjinit për veprën penale “Vjedhja e bankave dhe arkave të kursimit, kryer me dhunë”.
Deri tani, Policia e Vlorës ka arrestuar dy nga autorët e dyshuar në lidhje me këtë ngjarje.
