Policia e Vlorës ka arrestuar shtetasin Ardian Velaj, banues në Vlorë gjatë operacionit të koduar “Konvikti 2”. Velaj u arrestua me akuzën e shpërndarjes së lëndëve narkotike në konviktet e studentëve.
Policia lokale sqaron se “Në bazë të informacioneve të marra në rrugë operative, se shtetasi i mësipërm shpërndante lëndë narkotike pranë ambienteve të qytezës “Studenti” Vlorë, menjëherë u bë e mundur kapja dhe arrestimi i tij në flagrancë në lagjen “Isa Boletini” brenda ambienteve të qytetës ‘Studenti’”.
Gjatë kontrollit fizik që i është bërë këtij shtetasi, policia i ka gjetur të fshehur në trup rresh 14 gram lëndë narkotike të llojit “kanabis”, e cila u sekuestrua në cilësinë e provës materiale. Policia bën me dije se Velaj ka pasur edhe precedentë të mëparshëm për të njëjtën vepër penale, për “Prodhim dhe shitje të lëndëve narkotike”.
