Ambasadorja e BE-së: Kemi nisma konkrete antidiskriminuese, po krijojmë një koordinim mes instititucioneve
Ambasadorja e BE, Romana Vlahutin, tha se disktriminimi në Shqipëri është ende problem ndaj dhe BE është e angazhuar në mbështetje të Shqipërisë kundër këtij fenomeni. Në fjalëne saj në konferencën me temë “ Mbrojtja e të drejtave të njeriut dhe anti-diskriminimi”, Vllahutin tha se BE është terësisht i angazhuar për të përmirësuar kushtet e jetesës së qytetarëve.
Ambasadorja e BE-së ka konfirmuar kështu se diskriminimi vazhdon të mbetet një problematikë në vendin tonë dhe se Bashkimi Europian dhe Këshilli i Europës do të vazhdojnë të mbështesin Shqipërinë me projekte dhe nisma kundër diskriminimit.
“Këto projekte kemi synimin që këtë vit të arrijnë rezultatet konkrete. Janë nisma antidiskriminuese. Duam të krijojmë një koordinim mes instititucioneve të caktuara. Jemi të gjithë të ndryshëm por të barabartë, për këtë arsye duhet të luftojmë për të drejtat e njerëzve”, tha Vlahutin.
