Fruti i mangos është i pasur në fibra pre-biotike, vitamina, minerale, dhe komponime antioksdante flavonoide polifenolike. Sipas studimeve të reja, mendohet se fal këtyre antioksidantëve që mangoja përmban, mbron organizmin kundër kancerit të kolonit, gjirit, prostatës dhe leuçemisë.
Mangoja është burim i shkëlqyer i Vitaminës-A dhe flavonoideve si beta-karoteni, alfa-karoteni dhe beta-kriptoksanthin. 100 g frut i freskët përmbush 25% të nevojave të rekomanduara ditore për vitaminë A. Të gjitha këto komponime sëbashku është vërejtur se kanë veti antioksiduese esenciale për shikimin. Vitamina A është po njëlloj e rëndësishme për shëndetin e mirë të lëkurës dhe mukozave.
Po ashtu konsumimi i frutave të pasura me karotene mendohet se mbron nga kanceri i mushkërive dhe i kavitetit oral. Mangoja e freskët është burim shumë i mirë i kaliumit i cili është një komponent shumë i rëndësishëm i qeizave dhe lëngjeve të trupit që ndihmon në kontrollin e ritmit të zemrës dhe presionin e gjakut. Ajo është gjithashu një burim shumë i mirë i vitaminës B6 (piridoksinës), vitaminës C dhe vitaminës E.
Konsumimi i ushqimeve të pasura me vitamin C ndihmon trupin të rrisë imunitetin. Gjithashtu mangoja përmban sasi të moderuara të bakrit i cili është një element kyç për shumë enzima me rëndësi jetësore. Bakri është shumë i rëndësishëm edhe për prodhimin e qelizave të kuqe të gjakut. Lëkura e Mangos është e pasur me shumë fitonutrientë si karotenoide dhe polifenole.
Të mirat në organizëm:
- Mango mban nën kontroll presionin e gjakut.
- Parandalimi i kancerit dhe Shëndeti i mirë i zemrës.
- Ndihmon shtimin në peshë.
- Ndihmon tretjen.
- Ndihmon në kurimin e anemisë. Ndihmon në mbarëvajtjen e shtatzënisë.
- Zhdukin Aknet.
- Ngadalëson shenjat e plakjes.
- Promovon shëndetin e trurit.
- Forcon imunitetin.
Mangot mund të shkaktojnë alergji!
Shumë individë mund të jenë të ndjeshëm ndaj mangos duke qënë se ato i përkasin familjes Anacardiaceae. Mangot përmbajnë një sasi të vogël të një substance të quajtur urushinol, e cila është një resinë toksike që mund të shkaktojë dermatit. Mangoja duhet shmangur nga individët të cilët mjekohen me warfarinë. Të pasura në Vitaminë A ato mund të fuqizojnë veprimin e warfarinës çka mund të rezultojë në risqe më të larta për hemoragji.
Receta e ëmbëlsirës me mango dhe kos.
Të bën mirë sepse përmban substanca që rregullojnë punën e aparatit tretës, fibra dhe proteina, të cilat nuk lejojnë përthithjen e tepërt të sheqerit.
Përbërësit për 2 persona:
- Një mango të pjekur
- 300 g kos pa yndyrë
Përgatitja:
Pasi t’i keni hedhur bërthamën, mangon e qëruar shtrydheni në frulator së bashku me kosin. Ndajeni më pas në katër kupa, duke alternuar shtresën e frutave me kosin e mbetur. Shërbejeni ëmbëlsirën në fund të vaktit, ose për mëngjes. Është e përshtatshme për të gjitha llojet e menyve.
