Ambasadorja e Bashkimit Europian, Romana Vlahutin tha se ligji i Vetingut është çelësi i suksesit për reformën në drejtësi.
Në një forum mbi korrupsionin, ambasadorja u shpreh se në raportin e fundit KE-së i kërkohet Shqipërisë të luftojë korrupsionin në nivelet më të larta, pra edhe tek politikanët.
Me tej, ambasadorja shtoi se sipas rekomandimit të KE-së, partitë në Shqipëri duhet të bëjnë publike financimet gjatë fushatës elektorale.
Vlahutin: Vetingu është çelësi për një reformë të suksesshme në gjyqësor. Komisioni i Venecias është pika kryesore e referimit për të dhënë përgjigjen përfundimtare për Gjykatën Kushtetuese lidhur me ligjin e Vetingut, sepse reforma në gjyqësor duhet të implementohet dhe Shqipëria të bëjë hapin e radhës në Bashkimin Europian dhe ky progres do të jetë në të mirë të qytetarëve.
Në raportin e fundit, KE ka hartuar disa kushte të veçanta për Shqipërinë. I kërkon Shqipërisë të tregojë progres, duhet të luftojë korrupsionin në nivelet më të larta. Ky ka qenë një nga rekomandimet. Të bëjë investime mbi prokurorë që kanë marrë çështje të caktuara.
I kërkohet Shqipërisë që të zbatojë ligjet e hartuara, të bëjë investigime edhe të korrupsionit në nivele të larta, pra edhe te politikanët. Gjithashtu i rekomandon Shqipërisë që partitë të bëjnë publike financimet e partive gjatë fushatës elektorale.
