Ambasadorja e BE në Tiranë, Romana Vlahutin vlerësoi bashkëjetesën fetare në Shqipëri dhe në të gjithë Ballkanin Perëndimor. Vlahutin theksoi se terrorizmi është i lidhur ngushtë me emigracionin dhe abuzimin nëpër rrjetet sociale.
Për të luftuar këto fenomene ambasadorja u shpreh se po ndërmeren një sërë nismash mes BE dhe Shqipërisë siç është edhe ngritja e një qendre rajonale kundër ekstremizmit të dhunshëm në Tiranë.
Vlahutin: “Sfida të reja të sigurisë kërkojnë përgjigje gjithëpërfshirëse që i trajtojnë në disa anë. Lufta kundër këtyre grupeve kërkon bashkëpunim mes shërbimeve të sigurisë në mbarë globin. Sulmet e fundit në Evropë tregojnë mangësi në koordinim dhe në shkëmbimin e informacionit. Për të luftuar grupet terroriste duhet të kuptojmë pse janë tërheqëse për të tjerët.
Lëvizja terroriste ISIS e justifikon lëvizjen e saj me disa argumente që kërkojnë të tërheqin të rinjte. Duhet të shofim lidhjet mes emigracionit të parregullt dhe azilit . Lidhja mes emigracionit dhe terrorizmit eshtë e lidhur, por kjo nuk duhet të rëndojë mbi emigrantët. Jemi krenar që Ballakni Perëndimor shërben si model i harmonisë fetare, por kjo nuk merret si e mirëqenë. Mungesa e prespektivave, abuzimi i mediave sociale mund të sjellin rreziqe. Ne duhet të kuptojmë risqet e radiaklizimit në rajon.
Kur bëhet fjalë për çështjet e emigracionit dhe sfidat e ekstremizmit të dhunshën Ballkani Perëndimor nuk është thjesht partner besnik të BE por edhe ofrues të sigurisë.
Shqipëria është shumë e angazhuar si në luftën kundër radikalizmit edhe në përpjekjen për ti dhënë fund mjerimit pas emigreacionit të parregullt. Ne kemi një sërë nismash të përbashkëta siç është diskutimi për ngritjen e një qendre rajonale kundër ekstremizmit të dhunshëm në Tiranë. Jam krenare që delegacioni i BE po investon në mbështetje të OJF që angazhohen në këtë fushë.”
Peleshi: Do të fillojmë zbatimin e një projekti pilot për bashkëjetesën fetare
