Europianët vijojnë t’u kërkojnë shqiptarëve që të mos kërkojë azil politik në BE. Këtë herë është Ambasadorja e BE-së në Tiranë Romana Vlahutin që u lutet shqiptarëve të mos mos humbasin kohë me një veprim të tillë. Gjatë pjesëmarrjes në forumin për sigurinë në qytetin e Lezhës Vlahutin tha se shqiptarët nuk duhet të kërkojnë azil pasi Shqipëria ndodhet në zemër të Europës dhe nuk është në luftë.
“S’më pëlqen shprehja që duam të shkojmë në Evropë, sepse Shqipëria është në Evropë, është ne zërmr të Evropës. Ajo çfarë duhet të përpiqeni të bëni është të arrini ato standarde evropiane që të jenë në përputhje me të gjitha shtetet anëtare të BE. Do t’iu lutesha të pranishmëve por edhe të tjerëve, që të mos iu drejtoheni vendeve të BE për azil, sepse falë zotit Shqipëria nuk është në luftë si Siria apo Afganistani, ndaj do të ishte humbje kohe dhe kosto e lartë për të gjithë ata që ndërmarirn një gjë të tillë”, tha ajo.
