Ka ardhur edhe reagimi i parë ndërkombëtar kundër Edi Ramës, pas miratimit të njënanshëm të Kodit Zgjedhor.
Përfaqësuesi për Politikën e Jashtme të PPE në Parlamentin Europian, Eurodeputeti Michael Gahler është shprehur se ky votim, është shkelje e marrëveshjes së 5 qershorit dhe se po pengon rrugën e integrimit të Shqipërisë.
“Duke votuar sot shkeljen e Marrëveshjes së 5 Qershorit të negociuar nga Bashkimi Evropian me opozitën, kryeministri shqiptar Edi Rama hodhi një hije të errët mbi zgjedhjet e ardhshme të prillit, të cilat duhet të ishin të lira e të ndershme, dhe më të mira se të mëparshmet.
Me këtë veprim Rama qartësisht pengon integrimin evropian të Shqipërisë. Më saktësisht, shkelja e marrëveshjes së 5 Qershorit rrezikon të bllokojë dhe të shtyjë Konferencën e parë Ndërqeveritare si hapin e parë për fillimin e negociatave të pranimit në BE.
Shqipëria meriton shumë më mirë se kaq. Ne i bëjmë thirrje Presidentit ti kthejë ligjin e sotëm Parlamentit. Ne i bëjmë thirrje Kryeministrit Rama të rishikojë pozicionin e tij për hir të së ardhmes evropiane të popullit shqiptar”,- thotë Michael Gahler në reagimin e tij.
https://www.facebook.com/photo.php?fbid=2720338088220944&set=a.1395221147399318&type=3&theater
/syri.net/
