Një pushues nga Fieri ka humbur jetën tek “Shkëmbi i Kavajës” në Durrës gjatë ditës së sotme.
Viktima është Agur Isufi 68 vjeç, i cili kishte ardhur nga Amerika për pushime në Shqipëri, por ka humbur jetën në rrethana tragjike.
Policia bën me dije se 68-vjeçari ka qenë në breg të detit kur ka humbur ndjenjat, pasi dyshohet se i ka rënë infarkt.
Trupi i 68-vjecarit është transportuar për në morgun e spitalit të Durrësit, ku pritet t’i nënshtrohet ekspertizës për zbardhjen e plotë të shkaqeve të vdekjes.
“Më datë 19.08.2018, rreth orës 12:15, në lagjen Nr.13 Plazh, tek Shkëmbi i Kavajës, në breg te detit i ka rënë të fikët shtetasit A.I. 68 vjeç, i cili rrugës për në spital ka ndërruar jetë.
Nga hetimet paraprake dyshohet se i ka rënë infarkt. Grupi hetimor po punon për sqarimin e rrethanave të ngjarjes”- thuhet në njoftimin e policisë.
