Eurodeputeti gjerman, David McAllister, reagon ashpër për vendimin e mazhorancës shqiptare për të votuar ditën e nesërme në seancën plenare ndryshimet në Kodin Zgjedhor.
Në postimin e tij në ‘Twitter’, eurodeputeti shpreh shqetësim për këtë vendim, duke thënë se pavarësisht thirrjeve ndërkombëtare për të pritur mendimin e Komisionit të Venecias, Shqipëria cakton për votim ditën e nesërme.
Sipas zyrtarit të lartë në Parlamentin Evropian, ndryshimet e njëanshme kushtetuese mund të bëjnë që zgjedhjet e 25 prillit 2021 të jenë joproduktive.
“Ekstremisht i shqetësuar se, përkundër thirrjeve kombëtare dhe ndërkombëtare, duke nxitur të presim një mendim të Komisionit të Venecias , votimi për ndryshimet në Kodin Zgjedhor të # Shqipërisë janë caktuar për nesër”.
“Ndryshimet e njëanshme të marrëveshjes mund të theksojnë më tej klimën e mosbesimit dhe polarizimit në prag të zgjedhjeve të përgjithshme të 25 prillit 2021. Ato do të jenë joproduktive ndaj përpjekjeve për hapjen e konferencës së parë ndërqeveritare deri në fund të vitit”.
