Ditën e sotme policia e Vlorës ka arrestuar në flagrancë një 44-vjeçare me inicialet C. B për veprën penale “Dhuna në familje”. Lidhur me ngjarjen e ndodhur mësohet se ajo është arrestuar pasi ka dhunuar nusen e djalit, 28-vjeçaren me inicialet K. B. Ngjarja ka ndodhur në lagjen “Pavarësia”, aty ku banojnë nuse e vjehrrë.
“Specialistët e Hetimit të Krimit të Komisariatit të Policisë Vlorë arrestuan në flagrancë shtetasen C. B., 44 vjeçe, banuese në lagjen “Pavarësia”, Vlorë, për veprën penale “Dhuna në familje”, pasi ka ushtruar dhunë fizike ndaj nuses së djalit, shtetases K. B., 28 vjeçe, banuese në lagjen “Pavarësia”, Vlorë”.
Nga ana tjetër, për këtë rast është proceduar në gjendje të lirë edhe nusja. Sipas policisë, bëhet me dije se edhe nusja ka ushtruar dhunë ndaj vjehrrës.
