Policia publikoi masat për vizitën e Sekretarit Amerikan në Tiranë, rrugë të bllokuara e monitorim nga ajri
Policia bëri publike masat për vizitën e Sekretarit Amerikan të Shtetit John Kerry nesër në Tiranë. Sipas njoftimit qindra forca policore do të jenë në gadishmëri në akset rrugore ku do të kalojë Kerry ndërsa situata do të monitorohet edhe nga ajri. Ndërkohë po për shkak të vizitës, në Tiranë do të bllokohet qarkullimi në disa rrugë dhe në një pjesë të autostradës Tiranë-Durrës. Policia e Tiranës kërkon mirëkuptimin e qytetarëve, që në këtë ditë nga ora 07:00 deri në orën 15:00, të shmangin qarkullimin me mjet në këto akse rrugore.
Rruget qe bllokohen janë:
• Aksi rrugor nga Rinasi tek mbikalimi i Kasharit
- Aksi rrugor nga Superstrada Vorë – Tiranë
- Aksi rrugor nga mbikalimi Kamëz deri tek Rruga e “Durrësit.
- Aksi rrugor Sheshi “Skëndërbej” – Bulevardi “Dëshmorët e Kombit”
- Aksi rrugor Sheshi Skenderbej – Bulevardi Zogu i Parë.
- Pjesa e unazës nga Fabrika e Bukës tek Rruga e Elbasanit.
Gjithashtu njoftohen të gjithë drejtuesit e mjeteve që do devijohet aksi rrugor i Kamzës deri tek shinat e trenit. Po ashtu nuk do te lejohen parkimet e mjeteve duke filluar nga Sheshi Shqiponja deri te rruga Elbasanit. Subjektet e linjave të shërbimit publik që operojnë në linjat brenda qytetit të Tiranës, dhe linjave të transportit udhëtarëve ndërqytetëse, kryesisht ato që përdorin rrugët në pjesën veriperëndimore të qytetit të Tiranës, nuk do të lejohet qarkullimi i këtyre mjeteve në këto pjesë të rrugës.
