Në prag të natës së ndërrimit të viteve, qytetet në të gjithë Evropën janë në gatishmëri.
Në Madrid, policia ka marrë masa shtesë sigurie, përfshirë ndalimin e kamionëve dhe furgonëve në qendër të qytetit gjatë festimeve.
Ministria e Brendshme italiane ka urdhëruar që masat e sigurisë të forcohen që para Krishtlindjeve e përgjatë të gjithë periudhës festive, përfshirë festën e fundvitit. Autoritetet lokale kanë rritur masat e sigurisë në zonat që pritet të mbushen me njerëz dhe atraksionet që zakonisht tërheqin vizitorë.
Policë të armatosur do të patrullojnë rrugët e Londrës, ndërsa qyteti përgatitet të shënojë Vitin e Ri me spektaklin e tij tradicional të fishekzjarreve.
Gjermania është në alarm një vit pas sulmit vdekjeprurës me një furgon mbi një treg Krishtlindjesh në Berlin. Në Këln, policia tha se 1400 oficerë do të dislokohen në qendër të qytetit.
