Virusi “Zika” që ka shkaktuar tmerr në Amerikën Latine ka mbërritur në Europë. CNN raporton se, tre raste janë zbuluar në Britaninë e Madhe në tre persona që kishin udhëtuar në Kolumbi, Surinami dhe Guajana.
Ky virus shkakton keqformime te të porsalindurit. Deri tani nuk është gjetur kura për shërimin e tij.
Ai nuk transmeton nga njeriu te njeriu. Mbartës dhe transportues i saj është një mushkonjë e quajtur Aedes Aegypti, që rritet në Amerikën Latine. 22 vende të këtij kontinenti janë prekur deri tani nga virusi i tmerrshëm.
Përhapja e shpejtë e virusit Zika ka nxitur qeverinë e Amerikës Latine për të nxitur gratë të mos mbesin shtatzënë deri në dy vitet e ardhshme.
Organizata Botërore e Shëndetësisë thotë se në të paktën 20 vende të rajonit, duke përfshirë Barbados, Bolivinë, Guatemalan, Porto Rikon dhe Panaman, janë regjistruar shumë transmetime të këtij virusi.
Megjithatë, virusi Zika është dokumentuar në vitin 1940. Ky virus filloi sulmin e tij në Amerikën Latine në muajt e fundit. Vendi që është goditur më së keqi nga ky virus, është Brazili, ku më shumë se 1 milion njerëz mbetën të prekur nga ky virus.
Në katër muajt e fundit, autoritetet kanë marrë raporte të afro 4 mijë rasteve në të cilat Zika mund të ketë shkaktuar pasoja tek të sapolindurit.
Rezultatet kanë treguar se të sapolindurit, nuk janë zhvilluar normalisht në kokë, në pjesën e trurit.
