Protesta e opozitës ka hyrë në ditën e tretë, protestuesit e kanë kaluar natën duke luajtur letra, shah, ndërsa herë pas here fjalën e merrnin simpatizantët për të mbajtur lart atmosferën.
Brenda çadrës dëgjohej muzikë e lartë, kurse protestuesit hynin e dilnin duke konsumuar pije e duhan.
Kryetari i PD-së, Lulzim Basha ka qenë në lëvizje. Ai ka folur përpara qytetarëve për të mbajtur gjallë frymën e protestës.
PD vendosi dje bojkotin e komisioneve parlamentare dhe seancës të së enjtes, ndërsa sot pritet që të jetë një ditë intensive, pasi në Tiranë do të vijë në një vizitë tre ditore eurodeputeti Knut Fleckenstein.
