Ka hyrë në ditën e gjashtë protesta e opozitës përpara Kryeministrisë.
Deputetë dhe mbështetës të PD-së vijojnë të qëndrojnë në çadrën e pagëzuar me emrin “tenda e lirisë”.
Në orën 10:20 të mëngjesit të sotëm protestës i janë bashkuar edhe deputetët dhe kryetari i PD-së Lulzim Basha. Basha ka deklaruar se grupi parlamentar i PD-së se do zhvillojë seancën plenare në tendë me qytetarët dhe nuk do t’i bashkohet seancës së sotme plenare.
Protestuesit, si dhe deputetët e PD-së artikulojnë prej gjashtë ditësh që ata nuk do të dalin nga protesta nëse nuk do të plotësohet kërkesa e tyre për qeveri teknike, e cila sipas tyre do të garantojë zgjedhje të lira dhe të ndershme.
Ndërkohë mbrëmjen e djeshme të rinjtë e Korçës kanë gjetur një mënyrë uniuke për të protestuar. Ata kanë mbushur me qirinj hapësirën mes çadrës dhe Kryeministrisë duke krijuar mesazhin “Poshtë Edi Rama!”
Protestuesit thërisnin njëzëri në korr “Edi Rama ka mbaruar, ka mbaruar.”
