Në kryesinë e Kuvendit vijojnë negociatat prej orës 11: 30 minuta.
Në takim ndodhet kryetari i Kuvendit Ilir Meta, Lulzim Basha, nënkryetari i komisionit të reformës Oerd Bylykbashi dhe ambasadori i SHBA-së Donald Lu dhe e BE-së Romana Vlahutin. Para këtij takimi zoti Meta shtyu diskutimin e ndryshimeve kushtetuese në Kuvend me qëllim vijimin e negociatave duke i kërkuar Bashës të sqarojë pozicionin e tij me ambasadorin Donald Lu. Meta këmbëngul në një votim me konsensus patriotik të reformës. Rama ndodhet në Kuvend dhe deri tani nuk është pjesë e negociatave.
Ora 12: 30 Po tentohet që Basha të gjejë dakordësi me Ambasadorët
Burime të rezervuara flasin mbi takimin që po zhvillohet në Kryesinë e Kuvendit. ” Burime të rezervuara për Ora News thonë se po tentohet që Basha të gjejë dakordësi me Ambasadorët. Po tentohet të gjendet një zgjidhje që mund të pranohet nga Ambasadori. Burimet flasin dhe për një tryezë të dytë politike
Ora 11: 58 Në kryesinë e Kuvendit mbërrin Lulzim Basha, i cili më parë kishte qenë në Parlament së bashku me Oerd Bylykbashin.
Ora 11: 44 – Në kryesinë e Kuvendit ka mbërritur ambasadori amerikan dhe ambasasdorja Vlahutin për të zhvilluar një takim me Ilir Metën.
Kryeministri ndodhet në Kuvend, në seancë parlamentare, jo në kryesinë e Kuvendit.
Seanca plenare po drejtohet nga nënkryetarja Valentina Leskiaj.
