Qytetarët e Kosovës vijojnë të paguajnë tarifën e traut në Tunelit të Kalimashit.
Kosovarët publikojnë në rrjetet e tyre sociale faturat që paguajnë, ndërsa shprehen se vijnë në Shqipëri për të sjellë një ndihmë sado të vogël ose dhe thjesht për të parë të afërmit, dashamirët apo banesat e tyre.
Në një ditë si kjo e sotmja, qeveria ka zgjedhur të lejojë zhvatjen e xhepave të qytetarëve kosovarë, të cilët që në momentet e para pas tërmetit tragjik kanë treguar solidaritetin e tyre me forca speciale, kamionë me ushqime si dhe mbështjetje psikologjike për të gjithë gjithë shqiptarët.
Gjatë një komunikimi me zv kryeministrin në ikje, Behgjet Pacolli, kryeministri Edi Rama tha se kush jep ndihma me zemër mund t’i paguajë edhe 5 euro.
“Tarifa tek rruga është detyrim i të gjithëve dhe ka të bëjë me shërbimin e insfrastruktures, me sigurinë rrugore dhe me shtetin, tani në qoftë se vjen me zemër për të dhënë shumë më tepër se sa ato 5 euro, 5 euro nuk janë një diskriminim ato paguhen në të dy anët e kufirit dhe ne edhe ne Kosovë dhe në Shqipëri. Kjo është e para dhe ato 5 euro janë kontribut i të gjithëve për shtetin vetveten në kuptimin e garancisë së shërbimit ” ka thënë Rama.
