Katër shtetas shqiptarë kanë rënë në prangat e policisë spanjolle pasi akuzohen për grabitjen e dhjetra banesave luksoze në Spanjë si dhe u sekuestruan 8 makina makina luksoze, pajisje për kryerjen e grabitjeve, argjendurina, para dhe peshore elektronike.
Hetimi për grupin nisi pas sinjalizimeve se shumë banesa po grabiteshin në zonën qendrore të Madridit dhe në rrethinat e tij, midis tyre edhe banesat e futbollistëve të njohur të Atletico dhe Real Madridit.
Autoritetet thanë se karaktestikë e grupit ishte qëndrimi vetëm 1 muaj në Spanjë, ndërsa më pas largoheshin në vendet e origjinës ku dyshohet se zhvillonin të njëjtën veprimtari kriminale.
Kapja e grabitësve u bë e vështirë pasi ata ndërronin shpesh apartamentet dhe numrat e kontaktit.
Ata bashkëpunonin me një argjendar në Madrid me të cilin shkëmbenin stolitë dhe objektet e vjedhura me një sasi floriri.
