Një tradhti bashkëshortore e ndodhur në fshatin Togëz të Librazhdit javën e kaluar “pushtoi” rrjetet sociale, pasi vjehrri dhe vjehrra kishin kapur mat nusen e djalit me të dashurin.
Një video për të cilën reaguan edhe institucionet, pasi aty shihej një 20-vjeçare e zhveshur e cila ishte nën presion të dhunshëm psikologjik nga ana e prindërve të burrit, të cilët këtë “heroizëm” të tyre, veçse me fisin e ndanë edhe me shqiptarët.
Prandaj “Piranjat” e moderuar nga Florian Binaj dhe Arilena Ara, vendosën që të shkojnë në fshatin Togëz dhe të komunikojnë drejtpërdrejtë me dhunuesit e vajzës.
Vjehrri e quan rastin një problem familjar, duke harruar se tashmë ai ishte kthyer në një problem shqiptar, pasi video është parë e stërparë me miliona herë.
