Një ngjarje e pazakontë ka ndodhur në Kosovë ku policia ka arrestuar një person në pikën kufitare në Vërmicë sot rreth orës 13:00 pas një zënke mes një shoferi kamioni dhe punonjësit të doganës.
Ngjarja e publikuar tek gazeta “Sinjali” është rrëfyer nga një person i cili ka zgjedhur të mbetet anonim, i cili ishte dhe vendngjarje. Sipas burmit anonim, shoferi i një kamioni kishte nxjerr thikën duke kërcënuar punonjësit e doganës por më pas ka ndërhyrë policia duke zgjidhur situatën.
Megjithatë për vetëmbrojtje, zyrtari i doganës kishte marrë një lopatë ku edhe tenton ta godasë shoferin e kamionit. Sipas pamjeve fimike shihet se si shoferi i kamionit është arrestuar nga Policia e Kosovës.
