Peticioni për të zbatur ligjin e Vetingut e ka firmosur edhe ministri i Brendshëm Saimir Tahiri dhe deputeti i PS, Ulsi Manja.
Tahiri u shpreh se vetëm nëpërmjet Vettingut do të largohen gjyqtarët dhe prokurorët e korruptuar.
“Unë të them të drejtën nuk e kuptoj deklarata agresive, arrogante apo qëndrimit fodull të këtij njeriu. Përsonalisht nuk do pranoja me këto karakteristika ta kisha as komshi jo më si kreu i opozitës.
99% e shqiptarëve duan reformën në drejtësi. Ne duam ligjet, ne duam shtet, ne duam demokraci por jo këtë lloj demokracie. Që të bëhet një shtet ligjor duhet të bëhet ky vettingu që e mbështet edhe BE edhe SHBA“, tha Tahiri
Në ditën e tretë, interesi për të firmosur këtë peticion është tejet i lartë. Pritet që të mblidhen firmat jo vetëm në Tiranë por edhe në qytete e tjera për nisjen nga zbatimit të ligjit të Vettingut.
