Kryetari i Kuvendit, Ilir Meta u ka dërguar një letër kryetarëve të grupeve parlamentare, me anë të së cilës njofton mbledhjen e seancës plenare sot, në orën 18:00, për votimin e deputetëve si anëtarë të komisioneve të vetting-ut.
Kuvendi mblidhet këtë pasdite për të votuar komisionet e vettingut, por opozita ka njoftuar se nuk do të marrë pjesë.
Letra i është drejtuar Gramoz Ruçit (kryetar i grupit parlamentar të PS), Edi Palokës (kryetar i grupit parlamentar të PD), Luan Ramës (kryetar i grupit parlamentar të LSI), Mesila Dodës (kryetare e grupit parlamentar të PDIU) dhe Fatmir Mediut (kryetar i grupit parlamentar të PR).
Kreu i Kuvendit kërkon që krerët e grupeve parlamentare të dërgojnë brenda orës 16:00 propozimet e tyre për përbërjen e komisionit parlamentar “ad hoc” për verifikimin e kandidatëve për institucionet e rivlerësimit të gjyqtarëve dhe prokurorëve.
