Gjykata Kushtetuese pritet të caktojë të hënën datën e shpalljes së vendimit për ligjin e vetingut
Ditën e hënë, në orën 10:00, anëtarët e Gjykatës Kushtetuese do të mblidhen për të diskutuar, pas mbërritjes të premten të versionit zyrtar të opinionit të Komisionit të Venecias për këtë ligj.
Aktualisht, ligji i vetingut është i pezulluar nga Gjykata Kushtetuese derisa të ketë një vendim përfundimtar, ndërkohë që në opinionin e Komisionit të Venecias, dispozitat e këtij ligji nuk shfaqin probleme dhe nuk bien ndesh me Konventën Europiane të të Drejtave të Njeriut.
Komisioni i Venecias konfirmoi zyrtarisht qëndrimin e tij në favor të ligjit të vetingut për sa u përket pyetjeve që Gjykata Kushtetuese i adresoi më 30 nëntor.
