Vettingu dhe përgatitjet për zgjedhjet e ardhshme pritet të jenë temat kryesore të misionit faktmbledhës të dy bashkëreporterëve të Këshillit të Europës, deputetit gjerman Andrej Hunko dhe atij irlandez, Joseph O’Reilly.
Duke nisur nga e hëna në mengjes e deri më 1 mars, dy bashkëreporterëve nisin takimet me krerët e politikës shqiptare, në një kohë kur opozita ndodhet prej disa ditësh në çadrën e protestës dhe Reforma në Drejtësi ndodhet në udhëkryq.
Misioni i reporterëve të Këshillit të Europës për Shqipërinë pason takimet me politikën shqiptare të zhvilluara së fundi nga homologu i tyre në Parlamentin Europian, Knut Fleckenstein.
Strasburgu ka bërë gjithashtu thirrje vazhdimisht që të arrihet konsensus mes të gjithë faktorëve politikë për Reformën Zgjedhore dhe vijimin e procesit të Dekriminalizimit.
