Komisioni i Jashtëm i Vlerësimit për vlerësimin e punonjësve të Policisë së Shtetit ka përzgjedhur 45 emrat e parë që do t’i nënshtrohen procesit të Vettingut në polici.
Mësohet se subjektet e vlerësimit janë në detyrat më të larta drejtuese në Policinë e Shtetit ku 31 punonjës, në Shërbimin për Çështjet e Brendshme dhe Ankesat (SHÇBA), 12 punonjës dhe në Gardën e Republikës, 2 punonjës.
Dosjet e vetë-deklarimit janë tërhequr nga Komisioni i Jashtëm i Vlerësimit dhe ka nisur puna në fazën e parë, ajo e shqyrtimit të deklaratave, kërkimit të informacioneve dhe verifikimeve përkatëse.
Sipas parashikimeve ligjore, pas procesit të hetimit administrativ, do të mbahet për çdo subjekt seancë e hapur dëgjimore.
