Vetëvritet me çifte i moshuari në Gramsh, policia jep detajet e para për ngjarjen

Një ngjarje tragjike ka ndodhur ditën e sotme në qytetin e Gramshit, ku një 79-vjeçar i ka dhënë fund jetës duke u vetëvrarë me armë gjahu.

Nuk dihen ende shkaqet që çuan të moshuarin drejt këtij akti të rëndë, por policia e mbërritur në vendngjarje ka nisur hetimet.

Informacion Paraprak
Më datë 12.04.2018 rreth orës 14:00, në lagjen “Sporti” Gramsh, në banesë shtetasi A.Z., 79 vjeç është vetëvrarë me armë gjahu çifte, të cilën e ka patur me leje.

Nga veprimet e para hetimore nuk u konstatuan dëmtime apo shenja dhune.

Shërbimet e policisë ndodhen në vendngjarje dhe po punojnë për sqarimin e plotë të rrethanave të ngjarjes.

/www.balkanweb.com/