Kreu i Lëvizjes Vetëvendosje në Shqipëri, Boiken Abazi ka deklaruar se nuk ka ende një garanci që Izraeli do ta njohë Kosovën si shtet.
Në një status në Facebook, Abazi shprehet se Izraeli nuk ka nënshkruar asgjë në këtë drejtim, dhe se këta të fundit pretendojnë edhe për pronat e hebrenjve në Kosovë.
Reagimi i plotë:
Duhet kuptuar se nuk ka ende asnjë garanci që Izraeli do ta njoh pavarësinë e Kosovës:
- Izraeli nuk ka nënshkruar asgjë në këtë drejtim.
- Izraeli e ka bërë të qartë se ka disa gjëra paraprake që duhet të ndodhin në lidhje me pronat e hebrenjve gjatë Luftës së Dytë Botërore në Kosovë para se te merret një vendim.
- Izraeli mund të vendosë hapjen e një zyre ndërlidhëse në Prishtinë “Liason Office”, siç e ka dhe Greqia, pa e njohur zyrtarisht pavarësinë e Kosovës, dhe këtë Hoti me shokë mund ta quajë edhe si “normalizim marrëdhëniesh diplomatike”. Megjithatë, mbetet për t’u parë.
