Është vetëdorëzuar në polici ish- kryetari i bashkisë së Kukësit Hasan Halili. Ai ishte shtruar në spital pasi kishte pasur probleme shëndetësore, ku dhe është arrestuar. Halili ishte shpallur në kërkim më 26 maj 2016. Ai akuzohej për veprën penale të “shpërdorimit të detyrës”.
Halili në bashkëpunim me tre ish-zyrtarë të tjerë të bashkisë kanë kryer një seri veprimesh fiktive, duke regjistruar Bashkinë Kukës si aksionere në shoqërinë “Klubi i Futbolli Kukës” sh.a., për të cilën më pas kanë paguar në mënyrë të paligjshme, në formë sponsorizimi, në periudhën 2011-2015 rreth 45 milionë lekë të reja.
Prokuroria ka kërkuar caktimin e masës së sigurisë “arrest në burg”, e cila u pranua nga Gjykata dhe u ekzekutua nga ana e forcave të Policisë së Shtetit, për personat simë poshtë: Mirdash Hoxha, ish-drejtor i Drejtorisë Rajonale të Tatimeve, Kukës, Lekë Deda, ish-drejtor i Financës, Bashkia Kukës, Gëzim Ukperaj, ish-drejtor i Borxhit në Drejtorinë Rajonale të Tatimeve, Kukës.
