Gjatë ribotimit të librit “Këngë popullore nga Çamëria”, kreu i Partisë Drejtësi Integrim dhe Unitet, Shpëtim Idrizi ka ftuar akademikë dhe historianë të përfshihen në një debat historik me fakte dhe dokumenta të ulen edhe me palën greke dhe ta shohin të vërtetën nën dritën e diellit.
“Të nderuar akademik e kam shumë të vështirë të flas sepse këtu jam mes akdemikësh. Unë dua të ftoj Akademinë e Shkencave të përfshihet në debat me historianë grek për falsifikimin e historisë për bashkëpunimin e shqiptarëve të Çamërisë në luftën e dytë botërore. Kemi 3 vjet që kemi hyrë në një debat absurd me politikën greke, duke filluar nga Presidenti grek. Kërkojmë që të na gjejnë një foto apo një dokument që çamët kanë bashkëpunuat me naziztët. Gjithashtu Akademia e Shkencave të përfshihet në një debat historik e faktmbledhës me historianët grek, për spastrimin dhe Genocidin etnik ndaj shqiptarëve të Çamërisë në fundin e luftës ëë dytë botërore. Ky është një detyrim nga Rezoluta e Parlamentit të Shqipërisë për çështjen Çame. Duke marrë shkas edhe nga kjo vepër “Këngë Popullore nga Çamëria”, e cila është një përmbledhje e folklorit dhe këngëve e valleve çame, një vepër e jashtëzakonshme e studiuesit Fatos Mero Rrapaj. Falenderoj Akademinë e Shkencave, Shoqatën Patriotike Çamëria dhe Alket Veliun, që mundësuan ribotimin e këtij libri. Duhet të bëhet atë që të gjithë shqiptarët kërkojnë që Akademia e Shkencave duhet t’i paraprijë kombit Shqiptarë.”, u shpreh Shpëtim Idrizi.
https://www.facebook.com/pdiu.al/videos/342634073085738/?notif_id=1561220101089857¬if_t=live_video_explicit
