“Jetë qeni”, themi ne shqiptarët kur duam të ankohemi, por tashmë duhet të mënedohemi 2 herë.
Një testament i padëgjuar që u dhuron miliona euro qenve endacakë në Jesolo, një provincë në Venecia të Italisë.
Franca Franzi, pronare e tre hoteleve në Jesolo vdiq në moshën 81-vjeçare në maj të 2016 dhe i la disa miliona euro një vend strehimi për qentë endacakë, të quajtur San Giuliano, e cila rrezikonte të mbyllej. Shuma e dhuruar mund t’i shpëtojë shumë nga qentë e strehuar në atë objekt.
Gruaja ka lënë në testamentin e saj një të katërtën e vlerës së një hoteli me katër yje “Ai Cavalieri”, dhe kontribuimin në 50% në ndërtimin e një strehe të re. Shifra në fjalë kap vlerën e katër milion euro. Ky lajm u bë i ditur nga avokatia e Franca, e cila tregoi amanetin e fundit të saj.
