Asambleja e Unionit të Gjyqtarëve të Shqipërisë vendosi se, ligji për Vettingun ka papajtueshmëri me Kushtetuten e Republikës së Shqipërisë dhe për pasojë, do t’i kërkojë Gjykatës Kushtetuese shfuqizimin e këtij ligji.
Gjithashtu, asambleja autorizoi Bordin Drejtues që të shqyrtojë edhe ligjin për Statusin e Gjyqtarit dhe Prokurorit pasi, në disa pjesë të tij edhe ky ligj vjen në kundershtim me dispozitat kushtetuese.
Pak ditë, me parë kreu i Unionit Gerd Hoxha dorëzoi në Gjykatën Kushtetuese kërkesën për të qenë palë në procesin ku do të shqyrtohet pakushtetueshmëria e ligjit të Vetingut pas goditjes që iu bë nga Partia Demokratike.
Ndërkohë për të njëjtën gjë pritet të mblidhet në 12 nëntor edhe Unioni i Prokurorëve.
Ndërkohë gjykata kushtetuese ka pezulluar ligjin e Vetingut për të cilin i ka kërkuar një opinion Komisionit të Venecias.
