“Nuk ekzistojnë arsye përse Benzema duhet të rikthehet në Kombëtare”, është shprehur krueministri francez Manuel Vals. Gjatë këtyre ditëve është folur për një rikthim të mundshëm të sulmuesit të Realit në përfaqësuesen e gjelave, pas problemeve me drejtësinë, për shantazh ndaj kolegut të tij Matje Valbuena. Futbollisti i Lionit është kërcënuar me publikimin e një video seksi, nëse nuk i paguante 150 mijë euro poseduesve, ndërsa Benzema e ka pranuar rolin e tij si ndërmjetës përpara policisë gjyqësore të Versajës. Kështu më 10 dhjetor të vitit të shkuar, Federata Franceze e Futbollit e ka pezualluar nga ekipi Kombëtar. Tani gjykata e ka lehtësuar masën ndaj sulmuesit, që ishte liri me kusht, por kjo nuk e ka bindur kryeministrin Vals për ta parë sërish duke kënduar “Marsejezën”.
