Partike Demokratike ka komentuar sot vendimin që dha dje GJKKO për Saimir Tahirin. Përmes një deklarate nga selia blu, deputeti i PD Ervin Salianji, tha se kjo është prova që vërteton se sipas saj vendi jonë është kthryer në “parajsë droge nën qeverisjen e Edi Ramës”. Sipas tij, për ditë po shohim realitetin e frikshëm që po jetojmë nga kjo qeveri.
“Dënimi i ministrit të Brendshëm më të vlerësuar e më të përkëdhelur të Edi Ramës, është prova e plotë dhe e madhe se Shqipëria nën qeverisjen e Rilindjes u kthye në parajsën e drogës. Nën drejtimin e Tahirit dhe me bekimin e Edi Ramës, skenari i kanabizimit u bë një realitet i frikshëm duke mbledhur rreth këtij procesi bandat e krimit të organizuar. E kemi denoncuar me mijëra herë kanabizimin e Shqipërisë, lidhjet e Ramës me krimin, përdorimin e kriminelëve për të grumbulluar vota dhe më pas dorëzimin e sovranitetit të shtetit në duart e bandave dhe krimit të organizuar”, tha ai.
Më tutje paralajmëroi se dënimi i Tahirit është vetëm fillimi, duke theksuar se i gjithë kabineti Rama duhet të vihet para drejtësië që vendi të shpëtojë nga trafikantët. “Dënimi i ish ministrit më të vlerësuar e të përkëdhelur prova më e madhe se Shqiperia u kthye në parajsën e drogës ne qeverisjen e Rilindjes. Nën drejtimin e Tahirit dhe bekimin e Ramës skenari i kanabizimit u bë një skenar i frikshëm. Dënimi i Saimir Tahirit është vetëm fillimi. Nisja e rrugëtimit të ndëshkimit të abuzuesve me pushtetin, ai është e duhet të jetë i pari në një listë të gjatë të drejtuesve të Rilindjes”, tha Salianji.
