Sekretari i përgjithshëm i Partisë Demokratike, Gazment Bardhi tha se vendimi i mbrëmjes së kalaur që shpëtoi ish-ministrin Tahiri nga burgu është një ditë e rëndë për shqiptarët.
Me një deklaratë për mediat, Bardhi shtoi se drejtësia në vend është një rast i pashpresë, sepse Rama bën jo vetëm rolin e kryeministrit, por edhe të kryegjykatësit.
“Vendimi që shpëtoi Saimir Tahirin nga burgu ishte një ditë e rëndë për shqiptarët se ligji do të ishte i barabartë për të gjithë. Rasti i Tahirit tregoi se Rama dhe Tahiri janë një. Rasti i Tahirit iu tregoi shqiptarëve se drejtësia është një rast i pashpresë. Rasti u tregoi se me Ramën si kryeministër, por edhe si kryegjykatës nuk ka ndëshkim për krimin. PD i ka paralajmëruar që në fillim shqiptarët me teatrin që po luhej me Saimir Tahiri, i cili posedon fakte të përfshirjes së Olsi Ramës për laboratorin e kokainës në Xibrakë”-tha ai.
