Pak ditë më parë, mjeku dhe drejtori i zhvillimit të vaksinave “Geovax” në SHBA, Arban Domi shpjegoi për Abc News se përdorimi i maskave në ambiente të jashtme nuk është i domosdoshëm.
Në “Abc-në e Mëngjesit” , gazetari Enkel Demi ka komentuar deklaratën e mjekut duke ironizuar sërish kreun e qeverisë me vendimin për të bërë me detyrim përdorimin e maskave në ambiente publike.
Demi tha se Rama është piktor dhe ka bërë Liceun, që do të thotë matematika e Liceut nuk ka qenë ajo që bënim ne në gjimnaz dhe nga shkencat ekzakte duket tre orë larg që se ka idenë.
“Drejtori i vaksinave në Geovax, Arban Domi thotë se vendosja e maskave në rrugë nuk ka asnjë lloj kuptimi. Ajo që të shqetëson është kokëfortësia, kur qeveria merr një vendim pa pyetur më përpara specialistët. Arban Domi është ai që është. Edi Rama është piktor dhe ka bërë Liceun, që do të thotë matematika e Liceut nuk ka qenë ajo që bënim ne në gjimnaz dhe nga shkencat ekzakte duket tre orë larg që s’e ka idenë. Ky ngulmon dhe thotë që maskat do t’i vendosni!”,- tha Kel Demi.
