Këshilli i Ministrave ka miratuar ditën e sotme vendimin për shpronësimin e banorëve të “Unazës së Re”.
Gjatë protestës së mbrëmjes së sotme, banorët shprehen të revoltuar ndaj vendimit të VKM-së që sipas tyre është përpjekje për të përçarë banorët e “Astirit”, por kjo nuk do të ndodhë.
Ata shprehen se nuk do të ndalen deri në vdekje derisa ky vendim të anullohet pasi sipas tyre është korruptiv.
“Ka nxjerr ky treçerek Erion Braçe një VKM se Kryeministrin e kemi në udhëtime jashtë shtetit. Ajo VKM është për të përçarë banorët e Unazës se Re. Ata që kanë letra i ke këtu në shesh, banorët duan të anulojnë projektin nuk duan asgjë tjetër. Pse tani jemi për anulim projekti? Sepse përveç se prishë shtëpitë tona, por është dhe korruptiv, është me letra falco. Ju bëj thirrje të gjithëve, do ketë njerëz që do mundohen të përçajnë, por këtu do jetë vetëm flaka që do i pres. Pa mëshirë, këtu nuk ka parti potitike, ka vetëm një kauzë të mbrojmë shtëpinë tona”, – tha një prej banorëve.
Lindita Protoduari, nëna e Dorian Protoduarit: “Do përballen me ne, po nuk anulove projektin. Do lësh kockat këtu, për ne është “O vdekje, o liri”. Të gjithë në korë “O vdekje o liri”. Si me letra si pa letra jemi të bashkuar. I themi atij Lali Erit, atij Lali fikut, një kancer atje t’u bëftë atje ku të dhëmbë më shumë se ke marrë taksat e popullit që nuk u ngope njëherë. O plehër, o maskara, o i pafytyrë. Dhe mos e devijo Lanën që të t’i japësh pallate atij trafikantit Edmond Bego”.
Kujtojmë që protesta e banorëve të Astirit vijon prej më shumë se pesë muajsh. Ata janë shprehur të vendosur që të vetësakrifikohen nëse do tentohet prishja e banesave të tyre.
https://www.facebook.com/partiademokratike/videos/782678082132163/
