Ish-ministri i Drejtësisë Ylli Manjani ka ironizuar vendimin e Ministrisë së Arsimit për shkollat dhe universitetet duke bërë retrospektivë me fillimin e viteve ’90, ku shprehet se duke mos përballuar protestat, vendosi për mbylljen e tyre.
Duke u kthyer pas në kohë, ai thekson se fiks në semestrin e dytë të vitit shkollor 2019-2020 shkollat u mbyllën, ndërsa shton se; “Thonë se monizmi është në fund kur mbyll shkollat”.
Postimi i plotë i Ylli Manjanit:
Të njëjtat shenja brenda një cikli politik nga monizmi në monizëm.
Në semestrin e dytë i vitit shkollor 1990-1991 shkollat u mbyllën. Qeveria moniste e kohës vendosi të mbyllte shkollat sepse nuk përballonte dot më protestat. Na thirrën në qershor sa për të dhënë provime.
Pas 29 vitesh, fiks në semestrin e dytë të vitit shkollor 2019-2020 shkollat u mbyllën. Përsëri vendimin e merr qeveria moniste.
Thonë se monizmi është në fund kur mbyll shkollat…
