Kryetari i Partisë Demokratike, Lulzim Basha i është përgjigjur interesit të medias, lidhur me vendimin e Kushtetueses për presidentin.
Në oborrrin e Kuvendit, Basha tha për mediat se prioriteti kryesor i tyre është zbardhja e plotë e skandalit më të madh të këtyre 30 viteve.
“Nuk kam asnjë koment për vendimin e gjykatës Kushtetuese, sepse nuk është vendim i cili komentohet. Mund t’ju them se për ne theksi edhe sot edhe nesër, deri në zbardhjen e plotë të skandalit më të madh të këtyre 30 viteve, është prioriteti kryesor” tha Basha.
Kujtojmë se mbrëmjen e djeshme Gjykata Kushtetuese rrëzoi kërkesën e parlamentit për shkakrkimin e presidentit Meta, pasi në gjykimin e saj nuk ka pasur “shkelje të rënda të kushtetutës”, për të cilat kreu i shtetit mund të largohej nga detyra. Pas këtij vendimi, presidenti i Ilir Meta do të qëndrojë në këtë detyrë deri në fund të mandatit, në 24 korrik 2022.
