Zbardhet vendimi i Gjykatës së Elbasanit, që në 1 Tetor 2023 vendosi të mbyllë në burg 13 të arrestuarit e grupit të Laert Haxhiut.
Ndaj 13 të ndaluarve dhe 3 personave të shpallur në kërkim, rëndojnë akuza të rënda si pjesëmarës në 6 vrasje, disa atentate të mbetur në tentativë, grabitje dhe shkatërim të pronës me eksploziv e deri tek kanosja me armë e punonjësve të Policisë së Shtetit.
Gjyqtarja Megi Strakosha, ka argumentuar në vendimin e saj 34 faqesh se dëshmia e bashkëpuntorit të prokurorisë, Artan Tafani, nuk është një supozim por një provë bindëse që përputhet dhe me shumë prova të tjera që janë në realitet me vendin e ngjarjes, raporton OraNews.
“…deklarimet e bashkëpuntorit të Drejtësisë,këqyrjet e vendit të ngjarjes, kufoma si dhe provat materiale të gjetura dhe sekuestruara përputhen me njëra-tjetrën, mjaftueshëm për ti krijuar gjykatës dyshimin e arsyeshëm të bazuar në prova…”-argumenton gjyqtarja Strakosha.
Sipas gjyqtares Megi Strakosha, caktimi i masës së arrestit në burg për 13 personat e arrestuar, është e nevojshme pasi ekziston rreziku i ikjes së këtyre personave ose në të kundërt lirimi i tyre nga qelia sjell prishjen e provave që do mund të dalin gjatë fazës së hetimit.
“…në kushtet kur disa prova të rëndësishme në drejtim të zbardhjes së të vërtetës janë marrë deri në këtë moment, personat nën hetim nëse lihen të lirë mund të marrin masa për të prishur prova të tjera, apo për të vështirësuar marrjen e tyre, përfshirë këtu jo vetëm provat materiale por edhe ato me dëshmitarë…”-thuhet në vendimin e publikuar nga OraNews..
Dy ditë më parë kjo dosje është përcjellë në SPAK nga tre prokurorët e Elbasanit, Kreshnik Ajazi, Hektor Mushi dhe Artur Ismajlukaj, të cilët shpallën moskopetencën duke kërkuar vijimin e hetimeve për “Grup të strukturuar kriminal” ndaj bandës së Laert Haxhiut.
13 të arrestuarit nga Lushnja, Pogradeci dhe Korça akuzohen për 6 vrasje, vrasje të mbetur në tentativë, grabitje, vendosje tritoli dhe mbajtje pa lejë të armëve.
Mes dosjeve që i është bashkuar SPAK, është dhe një çështje e prokurorisë së Tiranës që flet për grabitjen e 30 mijë eurove në pikën Tele.Co në Zonën e Astirit në Tiranë. Për këtë çështje është arrestuar Enio Meçaj si bashkëpunëtor i Artan Tafanit në këtë grabitje.
Ndërsa në kërkim vijon të jetë Lorenc Lala i cili qëndron në Britaninë e Madhe, Kristi Bixheku dhe Ederin Çaushi, që ndodhet në Shtetet e Bashkuara të Amerikës.
Zbardhet vendimi i Gjykatës së Elbasanit, që në 1 Tetor 2023 vendosi të mbyllë në burg 13 të arrestuarit e grupit të Laert Haxhiut.
Ndaj 13 të ndaluarve dhe 3 personave të shpallur në kërkim, rëndojnë akuza të rënda si pjesëmarës në 6 vrasje, disa atentate të mbetur në tentativë, grabitje dhe shkatërim të pronës me eksploziv e deri tek kanosja me armë e punonjësve të Policisë së Shtetit.
Gjyqtarja Megi Strakosha, ka argumentuar në vendimin e saj 34 faqesh se dëshmia e bashkëpuntorit të prokurorisë, Artan Tafani, nuk është një supozim por një provë bindëse që përputhet dhe me shumë prova të tjera që janë në realitet me vendin e ngjarjes, raporton OraNews.
“…deklarimet e bashkëpuntorit të Drejtësisë,këqyrjet e vendit të ngjarjes, kufoma si dhe provat materiale të gjetura dhe sekuestruara përputhen me njëra-tjetrën, mjaftueshëm për ti krijuar gjykatës dyshimin e arsyeshëm të bazuar në prova…”-argumenton gjyqtarja Strakosha.
Sipas gjyqtares Megi Strakosha, caktimi i masës së arrestit në burg për 13 personat e arrestuar, është e nevojshme pasi ekziston rreziku i ikjes së këtyre personave ose në të kundërt lirimi i tyre nga qelia sjell prishjen e provave që do mund të dalin gjatë fazës së hetimit.
“…në kushtet kur disa prova të rëndësishme në drejtim të zbardhjes së të vërtetës janë marrë deri në këtë moment, personat nën hetim nëse lihen të lirë mund të marrin masa për të prishur prova të tjera, apo për të vështirësuar marrjen e tyre, përfshirë këtu jo vetëm provat materiale por edhe ato me dëshmitarë…”-thuhet në vendimin e publikuar nga OraNews..
Dy ditë më parë kjo dosje është përcjellë në SPAK nga tre prokurorët e Elbasanit, Kreshnik Ajazi, Hektor Mushi dhe Artur Ismajlukaj, të cilët shpallën moskopetencën duke kërkuar vijimin e hetimeve për “Grup të strukturuar kriminal” ndaj bandës së Laert Haxhiut.
13 të arrestuarit nga Lushnja, Pogradeci dhe Korça akuzohen për 6 vrasje, vrasje të mbetur në tentativë, grabitje, vendosje tritoli dhe mbajtje pa lejë të armëve.
Mes dosjeve që i është bashkuar SPAK, është dhe një çështje e prokurorisë së Tiranës që flet për grabitjen e 30 mijë eurove në pikën Tele.Co në Zonën e Astirit në Tiranë. Për këtë çështje është arrestuar Enio Meçaj si bashkëpunëtor i Artan Tafanit në këtë grabitje.
Ndërsa në kërkim vijon të jetë Lorenc Lala i cili qëndron në Britaninë e Madhe, Kristi Bixheku dhe Ederin Çaushi, që ndodhet në Shtetet e Bashkuara të Amerikës.
