Avokatja e shoqërisë civile, Mirela Jorgo ka akuzuar kreun e bashkisë Durrës se po shkel ligjin, ndërsa u shpreh se punimet janë pezulluar pas kërkesës se depozituar nga Shoqëria Civile, por Vangjush Dako tha se kjo nuk është e vërtetë, pasi punimet janë pezulluar nga vetë bashkia.
Të ftuar në emisionin “Të Paekspozuarit” në “News24”, Dako tha se vendimin për pezullimin e punimeve e kemi marrë në 3 shkurt, kur ne ishim duke gërmuar, arkeologët kanë konstatuar gjurmë dhe kanë nisur gërmimet arkeologjike. Shiriti skenë krimi është vendosur nga Shoqëria Civile.
DEBATI
Mirela Jorgo: Ne kemi 2 muaj që luftojmë për projektin ‘Veliera’ dhe shkeljet që janë bërë aty. Kallëzimi i parë është bërë në 20 janar dhe më pas kemi bërë kallëzimin e dytë. Prokuroria vendosi të nisë hetimet.
Vangjush Dako: Ne kemi një marrëveshje për çdo gërmim që kryhet brenda territorit në Durrësit për çdo zonë arkeologjike
Neritan Ceka: Kjo marrëveshje është e pavlefshme. Instituti i Arkeologjisë nuk bën këto gjëra. Nju është instituti i Arkeologjisë që bën kërkimet dhe gërmimet në zonë B. Në momentin kur ju nisni punimet, ju duhet të bëni sondazhe arkeologjike
Mirela Jorgo: Punimet kanë nisur në nëntor. Leja ishte në dhjetor
Vangjush Dako: Punimet kanë nisur në shkurt. Janë bërë të gjitha janë bërë sipas planit. Në 3 shkurt kanë nisur gërmimet. Jo më parë. Atë ditë kemi parë punimet arkeologjike.
Mirela Jorgo: Përse keni punuar dhe keni bërë diçka në shkelje të ligjit?
Vangjush Dako: Në zonën arkeologjike s’do ketë punime. Ne jemi duke punuar në zonën tjetër, s‘ka lidhje. Jemi duke punuar në zonën ku nuk jemi të bllokuar. Ne jemi pezulluar në një sipërfaqe tjetër
Mirela Jorgo: Vendimi i gjyqtares thotë që ndalohen punimet në pjesën lart rrugës.
