Veliaj: Tirana është i gjithi një muze që ia vlen të eksplorohet

Nga Panairi Ndërkombëtar i Turizmit “Tirana 2017”, krybashkiaku Erion Veliaj u shpreh se Tirana është i gjithi një muze që ia vlen të eksplorohet.

Panairi çeli sot siparin në Pallatin e Kongreseve, organizuar nga Bashkia e Tiranës, Unioni Turistik Shqiptar dhe Albexpo Group.

Veliaj vlerësoi se është tepër e rëndësishme që qytetet në Shqipëri, por dhe në vendet e tjera të Ballkanit të reklamojnë bukuritë natyrore dhe pasurinë që kanë. Veliaj theksoi se turizmi është një nga burimet kryesore të të ardhurave për kryeqytetin.

Duke  vlerësuar ritmet e zhvillimit të turizmit, Veliaj deklaroi se ka rritje të numrit të turistëve në kryeqytet, ndërkohë që kanë filluar edhe kërkesat e para për ndërtimin e strukturave hoteliere përgjatë bulevardit të ri.

Panairi Ndërkombëtar i Turizmit “Tirana 2017” synon të tërheqë sa më shumë turiste e investitorë me synim rritjen e të ardhurave nga turizmi si edhe rritjen e numrit të vizitorëve.

Panairi Ndërkombëtar i Turizmit, do të qëndrojë i hapur nga datat 24-25 mars 2016.