Kryebashkiaku Erion Veliaj tha se ndryshimi i orarit të punës do të sillte zgjidhje për problemin e trafikut në kryeqytet.
Bashkia Tiranë do tu propozojë institucioneve të ndryshojnë oraret e nisjes së punës për të shmangur trafikun.
“Po mendojmë edhe për zgjidhje të tjera, pra si mund që me disa nga institucionet punëdhënëse të koordinojmë oraret, ku jo çdo institucion të fillojë punë në të njëjtin orar. Kjo na jep mundësi që ta sfazojmë pak fluksin e mëngjesit, duke e ndarë në disa fasha orare”, tha Veliaj.
Kryetari i bashkisë Erion Veliaj tha se “Kombinat- Kinostudio” është nga linjat më të mira ndërsa së shpejti do të ndryshojë edhe autobusët firzamonikë.
Veliaj ftoi qytetarët që të denoncojnë parregullsitë e konstatuara nga çdo operator i shërbimit urban duke telefonuar 0800-0888, të na japin targën e autobusit dhe problematikën përkatëse, ose duke e raportuar në aplikacionin ‘Tirana Ime’.
