Në vënd të tij në krye të Ujësjellës Kanalizimeve Tiranë u emërua Redi Molla
Kryetari i Bashkisë së Tiranës, Erjon Veliaj shkarkoi, Neritan Gjojdeshin, nga posti i drejtorit të UKT-së Tiranë. Në këtë detyrë është emëruar Redi Molla, i cili ka drejtuar më parë Drejtorinë e Përgjithshme të Punëtorëve të Qytetit Nr. 2 Tiranë. Vendimi është marrë në mbledhjen e Bordit të Asamblesë së Ujësjellës-Kanalizimeve të Tiranës. Bordi pati sot një mbledhje emergjente për të verifikuar dhe diskutuar në detaje të gjithë situatën problematike të krijuar ditët e fundit, pas shqetësimeve dhe reagimeve të shumta të qytetarëve lidhur me mbifaturimin e ujit të pijshëm.
Në këtë mbledhje u vendos ngritja e një komisioni të posaqëm, i cili do të shqyrtojë me përparësi të gjitha rastet e mbifaturimeve të ujit të pijshëm në të katër zonat ku janë hasur problemet, si dhe gjithë situatën e performancës së UKT-së në këto pesë muaj.
