Gjatë një aktiviteti për bilancin në njësinë nr 11 në Tiranë, kryetari i bashkisë Erion Veliaj ka dhënë lajmin se ditën e shtunë në orën 19:30 do të hapet sheshi “Skënderbej”.
“Nga data 10, ditën e shtunë në orën 19:30 i kthehet qytetit hapësira më e madhe për këmbësorët. Për fëmijët që luajnë me biçikletë, me patina, për gjyshërit, dhe mënyra si është kombinuar sheshi ka disa hapësira. Hapësira në mes është për tubime të mëdha, kemi bërë edhe pjesën e pyllit që është rreth Muzeut Kombëtar”-tha Veliaj.
Veliaj tha se PS nuk e ka ndryshuar deputetin për këtë njësi, ai është Rakip Suli, për të cilin Veliaj thotë se është personi që e zgjon çdo mëngjes dhe inspekton punët e bashkisë.
“I keni parë, këtu në Laprakë ua ndërrojnë deputetët ata të anës tjetër, se ne Rakipin kishim Rakipin kemi. Edhe dua ta falenderoj se më bën zgjimin në mëngjes dhe thotë: Filloi ai projekti te treshi, kinemaja kur do hapet, kjo rruga tek spitali do bëhet, po ky ndriçimi kur do bëhet dhe besoj që në një mënyrë me kohë të pjesshme është bërë si inspektor bashkie se inspekton punët dhe bën vërejtjet”- tha Veliaj.
