Qytetarët në vendimarrje, Bashkia e Tiranës nënshkroi memorandumin mes Këshillit të Europës dhe Ambasadës Zvicerane.
Veliaj tha se bashkia e Tiranës e ka bërë standard të sajin marrjen e mendimit të qytetarëve nëpërmjet konsultimeve të hapura dhe të gjithëanshme për projektet e saj, që kanë një impakt të madh dhe të drejt për drejtë tek qytetarët.
“Eksperienca që Bashkia e Tiranës realizoi gjatë diskutimeve për Planin e Përgjithshëm Vendor apo edhe për projektin e sheshit “Skëndërbej” të shërbej edhe si një udhërrëfyes për bashkitë e tjera, për të rritur pjesëmarrjen e publikut në vendimmarrje”, tha Veliaj.
“Shpresoj shumë që standardi që vendosëm në Tiranë, e them këtë edhe si Kryetari Shoqatës së Bashkive, të jetë një standard që e aplikojmë edhe në bashkitë e tjera, si dhe një shembull që mund të përsëritet sepse besoj që demokracia duhet trajtuar jo si një sport që ndodh njëherë në katër vjet në kutitë e votimit, por si një aktivitet i përditshëm për të ruajtur shëndetin demokratik të vendit dhe të qyteteve tona”, shprehet Veliaj.
