Nderohet me titullin “Simbol i Qytetit” aktori Luftar Paja në shenjë vlerësimi për kontributin e dhënë ndër vite në teatër dhe në film.
Kryebashkiaku Erjon Veliaj ka falenderuar z.Paja për frymëzimin dhe dashurinë që na ka dhuruar si dhe ka shprehur se puna e ndershme dhe me sarificë e aktorit është nder për qytetin tonë. Sakaq artisiti nga ana e tij është shprehur gjithashtu mirënjohës dhe entuziast që kjo dekoratë i dorëzohet nga një njeri talent si Erion Braçe.
Veliaj: Nëse ka një shembull që përshkuan më mirë se çfarë do të thotë t’i bësh gjërat me ndershmëri, sakrificë, punë, duke u rrëzuar, duke u ngritur, 700 role në CV, dhe besoj që është në nderin e qytetit tonë, të të konsiderojë simbol të qytetit. Të falënderojmë me gjithë zemër për gjithë frymëzimin dhe dashurinë që na ke dhuruar.
Paja: Ndihem tepër i vlerësuar për nderin që m’u bë. Po ashtu, ndihem edhe shumë i emocionuar sepse ma jep këtë dekoratë një njeri, i cili është një talent, është një njeri vital që po ia kthen faqen Tiranës sonë të bukur. Prandaj, të uroj gjithë të mirat! Vazhdo kështu siç e ke, dhe ne, mua me shokët e mi, do të na kesh deri në frymën e fundit. Suksese gjithë stafit tënd dhe paçi gjithmonë mrekullira dhe bukurira!
Ndër rolet më të spikatura të aktorit Luftar Paja janë filmat patriotik si “Këshilltarët”, “Guna përmbi tela”, “Nëntori i dytë”, “Gjeneral Gramafoni”. Ai ka luajtur përkrah aktoreve të mëdhenj shqiptar si Rolan Trebicka, Sandër Prosi, Mirush Kabashi, Hajrie Rondo.
