Bashkia e Tiranës, ka hequr emrin e një rruge në Selitë, që mbante emrin e muzikantit të shquar “Mentor Xhemali”.
Lidhur me këtë akt të turpshëm të Bashkisë së Tiranës, ka reaguar përmes një postimi në Facebook, ish ministri i Drejtësisë Ylli Manjani, ku shprehet se Mentor Xhemali është i përjetësuar tashmë në trashëgiminë kulturore, që nuk ka rilindas që e vjedh e as e shkul dot.
Postimi i plotë
Për kaposhët e Rilindjes, që nuk kuptojnë se Mentor Xhemali është pjesë e kulturës kombëtare dhe jeton thellë në shpirtin e këtij populli.
Mirë bënë që i hoqën emrin nga rruga e cila kush e di sa herë është vjedhur me tender…
Mentor Xhemali nuk mund të përjetësohet në rrugë, aq më pak në rrugë tenderash.
Ai është i përjetësuar tashmë në trashëgiminë kulturore, që nuk ka rilindas që e vjedh e as e shkul dot.
Le të kapardisen kaposhët, se thjesht do harrohen e mbulohen me turp.
Mentori vetëm lartësohet.
